छाडेर काम सारा एक काम रोजी रहेछु

यो देशमा म एउटा मानिस खोजी रहेछु

भेटे कहीं बताए हे राष्ट्र का बटोही

रक्षार्थ जन्मिएका छन् की सपुत कोहि

यो प्रश्न ख्याल राखी

सबलाई सोधी रहेछु

यो देशमा म एउटा मानिस खोजि रहेछु

आमा यदि नबाचे कसको पियार पिउने

कुन काखमा रमाउने कसका निमित्त जिउने

मुर्छित मातृभूमि को प्राणको हरणमा

यो बिष को घडा जो पिउनेछ विरणमा

त्यस्ता परम प्रतापी त्यस्ता अजेय नायक

अवतर भएर मानौ भुभार हर्नालायक

म त्यहि महान मानब को मार्ग खोपी रहेछु

म त्यहि महान मानब को मार्ग खोपी रहेछु

यो देशमा म एउटा मानिस खोजि रहेछु

यो मूल घर ढलेमा ठाउँ कहाँ छ जाने

होला कुनै त बाटो जोडेर साथ लाने

पाएर शक्ति सत्ता गर्दैन जो कुकर्म

आफ्नै सरि अरुको जो बुझ्छ भित्रि मर्म

संचेतना जागे यो देश माथि लाने

आशा र उन्नतिको दृस्टी दिएर जाने

म त्यहि नया भविस्य को बीज रोपी रहेछु

म त्यहि नया भविस्य को बीज रोपी रहेछु

यो देशमा म एउटा मानिस खोजि रहेछु

यो देशमा म एउटा मानिस खोजि रहेछु