पुरानै छ बाटो पुरानै गोरेटो

तर नौलो यात्रा आज थाल्दै छु म

दुखेकै छ घाउ सुकेकै छ तलाऊ

आशाको दियो यो फेरी बाल्दै छु म

पुरानै छ बाटो..

घरी पानी नपाई रहर सारा डढे

फेरी कहीं खुशीहरु पानीसंगै बगे

घरी पानी नपाई रहर सारा डढे

फेरी कहीं खुशीहरु पानीसंगै बगे

निभेकै छ आश उडेकै छ सुबास

मायाको यो गीत फेरी गाउँदै छु म

पुरानै छ बाटो..

टुंगिदैछन् सम्झौता मै मेरा इच्छाहरु

त्यसै त्यसै झरे मेरा चाहका गुच्छाहरु

टुंगिदैछन् सम्झौता मै मेरा इच्छाहरु

त्यसै त्यसै झरे मेरा चाहका गुच्छाहरु

छुटेकै छ साथ ढलेकै छ रात

आँखामा उज्यालो फेरी खोज्दैछु म

पुरानै छ बाटो पुरानै गोरेटो

तर नौलो यात्रा आज थाल्दै छु म

पुरानै छ बाटो..