म हुरीमा दियो जलेको देख्छु

म हुरीमा दियो जलेको देख्छु

पानीमा आगो बलेको देख्छु

म पागल भएँ कि यहाँ, हिमान हरायो

मायाले माया नै छलेको देख्छु

म हुरीमा दियो जलेको देख्छु

मुना मरेकी मदनका कुरा

यहाँ साँचो पिरती सबै अधुरा

हो, मुना मरेकी मदनका कुरा

यहाँ साँचो पिरती सबै अधुरा

एउटाको सिन्दुर अर्कैको चुरा

मुखैमा राम-राम कोखैमा छुरा

म आगोमा प्रह्लाद जलेको देख्छु

पूर्वैमा सुर्य ढलेको देख्छु

म पागल भएँ कि यहाँ, हिमान हरायो

सीताले राम नै छलेको देख्छु

म हुरीमा दियो जलेको देख्छु

मनभित्र मान्छे खै पस्छ कसरी?

मुटुभित्रै छ भन्छन् खै बस्छ कसरी?

हो, मनभित्र मान्छे खै पस्छ कसरी?

मुटुभित्रै छ भन्छन् खै बस्छ कसरी?

आफै बसेको त्यो कोमल मुटुमा

धारिलो छुरा खै धस्छ कसरी?

म त्रिशूली उल्टो बगेको देख्छु

ईश्वरको शक्ति डगेको देख्छु

म पागल भएँकि यहाँ, हिमान हरायो

आमाले सन्तान ठगेको देख्छु

म हुरीमा दियो जलेको देख्छु

पानीमा आगो बलेको देख्छु

म पागल भएँ कि यहाँ, हिमान हरायो

मायाले माया नै छलेको देख्छु

म हुरीमा दियो जलेको देख्छु