बास्ना बिनाको फूल जस्तै, म बिना तिमी

जुनेली बिनाको जुन जस्तै, म बिना तिमी

सोधेर हेर न मनलाई

भन अनि तिमी भित्र म छु कि छैन

तिम्रो आफ्नो म हुँ कि हैन

तिमी रुँदा आँशु पुछि दिने म हुँ कि हैन

ढुक-ढुकी बनेर हरपल मुटु भित्र म छु कि छैन

एक्लै हुदाँ याद् बनि आउने, म हुँ कि होईन

सुन कुरा मनको, जवाफ त्यो साँचो हो

बाँकी सबै एकछिनको खाँचो हो

तिमी मान या नमान आँखामा हेरेर भन

नियाली हेर न आफ्नो आँखामा पनि

नानी भित्र म छु कि छैन

तिम्रो आफ्नो म हुँ कि हैन

हर रातमा सपनी भै आउने म हुँ कि हैन

केहि पाउने होडमा तिमी आफ्नो गुमाउँदैछौ

मात्र तिमी एकछिन रमाउँदैछौ

नबुझे मायाको अर्थ हुन्छ जिन्दगी नै व्यर्थ

बुझेर हेर न आफ्नो ढुक-ढुकीमा पनि

मुटु भित्र म छु कि छैन

तिम्रो आफ्नो म हुँ कि हैन

बाटो बिराउँदा डोर्‍याई दिने म हुँ कि हैन